របៀបធ្វើ បាយមាន់ស្ងោរ
-----------------#គ្រឿងផ្សំ- មាន់ស្រែ ១ក្បាល (មាន់មេកាន់តែឆ្ងាញ់)- ការ៉ុត ឆៃថាវ ត្រសក់
- ខ្ញី ក្រូចឆ្មារ
- អង្ករខ្សាយ
- ខ្ទឹមសរ អំបិល ស្ករ ទឹកត្រី ប្រេងឆា ប៊ីចេង
#របៀបធ្វើ
- យកអង្ករដាក់ត្រាំ ក្នុងទឹកប្រហែលជា ១០នាទី រួចស្រង់អង្ករដែល
- ត្រាំរួចលាងទឹកអោយស្អាត ២ទៅ៣ ដង សម្រស់អោយស្រស់ទឹកល្អ។
- ដាំទឹកអោយពុះ រូចដាក់ អំបិលបន្តិច ប៊ីចេងបន្តិច រួចដាក់មាន់ស្ងោរ រហូតដល់មាន់ឆ្អឹនល្អ។
- ចិញ្ច្រាំខ្ទឹមសអោយម៉ត់ ដាក់ខ្ទុះដាំអោយក្តៅ ដាក់ប្រេងឆា ខ្ទឹមស
បំពងអោយឈ្ងុយ រួចដាក់អង្ករចូល ឆាអង្ករនោះត្រលប់ចុះឡើង ក្នុងពេលជាមួយគ្នានោះ ដួសទឹកស្ងោរមាន់ ស្រោចបណ្តើរៗលើអង្កររួចចេះតែឆាត្រលប់ចុះឡើងៗ រហូតដល់អង្ករជិតឆ្អិន ទើបយកទៅដាក់ផ្ងំអោយឆ្អិនល្អ(បើចង់អោយបាយមានពណ៌ល្អ យកល្មាតបន្តិចបុកអោយម៉ត់ លាយជាមួយទឹកស្ងោរមាន់ កូរអោយចេញពណ៌ រូចស្រង់កាក់ល្មាតចេញ យកទៅឆាជាមួយអង្ករ) ជាការស្រេច៕
#របៀបធ្វើជ្រក់
- ចិតសំបកការ៉ុត និងឆៃថាវចេញ ហាន់ស្តើងៗ ហាន់ត្រសក់ជាងរាងច្រវ៉ាមូល ដាក់បន្លែទាំងបីមុខចូលគ្នា រោយអំបិល ច្របាច់អោយសព្វ រួចទុកមួយស្របក់។
- ពេលបន្លែស្រពាប់ហើយ យកលាងទឹក និងដាក់សម្រស់អោយស្ងួត
លាយទឹកក្រូចឆ្មារ ដាក់អំបិល ប៊ីចេង និងស្ករ ល្មមរសជាតិដែលចូលចិត្ត រួចចាក់បន្លែចូល ច្របល់ចូលគ្នា ចាត់ទុកជាបានការ៕
#របៀបធ្វើទឹកត្រីបុក
- បុកខ្ទឹមស និងខ្ញី លាយគ្នាក្នុងបរិមាណស្មើគ្នា បើអ្នកចូលចិត្តម្ទេស ដាក់ម្ទេសតាមចំណង់។
- ចាក់ទឹកត្រីចូល រួចច្របាច់ក្រូចឆ្មារ និងដាក់ស្ករសចូល កូរចូលគ្នា៕
ពេលទទួលទានដួសបាយដាក់ចាន កាប់សាច់មាន់រៀប បន្ថែមបន្លែ ដូចជាត្រសក់ ប៉េងប៉ោះ ជ្រក់ ទឹកត្រីបុក ជាការស្រេច។
ប្រភព » fb
របៀបធ្វើ សម្លទំពាំង-------------------
#គ្រឿងផ្សំ- ត្រី កាត់ជាកង់ៗ (ត្រីពោធិ ត្រីកែរ .......)- សាច់ជ្រូកចិញ្ច្រាំ
- ខ្យង (តាមការចូលចិត្ត)
- ខ្ទិះដូង (តាមការចូលចិត្ត អាចមិនដាក់ក៌បាន)
- ទំពាំងស្រស់ ស្លឹកងុប ស្លឹកបាស
- ទឹកត្រី ម្សៅស៊ុប ស្ករស អំបិល
- ប្រហុកចិញ្ច្រាំ
#វិធីធ្វើ
- ចាក់ខ្ទិះដូង រឺទឹកធម្មតា(តាមចំណង់ចំណូលចិត្ត) ចូលក្នុងឆ្នាំងសម្លរ ដាក់ទំពាំង អំបិលបន្តិច និងអង្ករបន្តិចហើយយកទៅរំងាស់មួសន្ទុះ។
- ទើបដាក់ប្រហុក សាច់ជ្រូកចិញ្ច្រាំ ខ្យង និងត្រី ទុកអោយពុះម្ដងទៀត ទើបដាក់ អំបិល ស្ករស ម្សៅស៊ុប និងទឹកត្រី ហើយភ្លក់មើលអោយល្មម (តាមការចូលចិត្ត) រួចសឹមដាក់ ស្លឹកងុប និង ស្លឹកបាសចូល ទុកអោយពុះម្ដងទៀតរួចជាការស្រេច ។
ប្រភព » fb
🌟
គ្រឿងផ្សំ- សាច់គោ ( សាច់ផុយ ) ហាន់ជាបន្ទះស្ដើងៗ- ខាត់ណា កាត់ជាកង់ៗ- ខ្ទឹមក្រហម ខ្ទឹមស ម្ទេសស្រស់ ចិញ្ច្រាំអោយម៉ត់បន្តិច
- ក្រូចឆ្មា
- ស្ករស ម្សៅស៊ុប អំបិល ប៊ីចេង
វិធីធ្វើ
- ដាក់ដាំទឹកអោយពុះ រួចដាក់ខ្លាញ់បន្តិច ( ដើម្បីអោយបន្លែនៅខៀវល្អ ) ហើយដាក់ខាត់ណាចូល កុំអោយឆ្អិនពេក រួចស្រង់ចេញមកដាក់ទឹកត្រជាក់ បន្ទាប់មកយករៀបដាក់ក្នុងចានដែលត្រូវទទួលទាន អោយបានស្អាត
- ដាក់ខ្លាញ់ចូលក្នុងខ្ទះ ទុកអោយក្ដៅ រួចដាក់សាច់គោចូល ចៀនត្រលប់ចុះត្រលប់ឡើង ( តែមួយភ្លែតទេ ) ហើយស្រង់ចេញ មកហាន់ជាដុំ់ល្មម បន្ទាប់មកយកមករៀបក្នុងចានដែលជាមួយខាត់ណា
- ច្របាច់ទឹកក្រូចឆ្មាក្នុងចានមួយផ្សេងទៀត ហើយដាក់ខ្ទឹមក្រហម ខ្ទឹមស ម្ទេសដែលយើងចិញ្ច្រាំចូលគ្នារួចហើយនោះចូល ( ទុកប្រហែល10នាទី ) ដើម្បីកុំអោយក្រពុលខ្ទឹម រួចហើយដាក់ ស្ករស ម្សៅស៊ុប អំបិល ប៊ីចេង កូរអោយរលាយចូលគ្នាអស់ រួចភ្លក់មើលអោយល្មម តាមការចូលចិត្ត ទើបយកមកស្រោចពីលើសាច់ និង ខាត់ណា ដែលយើងបានរៀបចំទុកនោះ រួចជាការស្រេច ។
🌟 មុខម្ហូបនេះ ត្រូវការប្រើម្ទេសអោយច្រើន ហិរខ្លាំង ទើបឆ្ងាញ់
Page : មុខម្ហូបប្រចាំគ្រួសារ
របៀបធ្វើសាច់ជ្រូកផាត់ ហៅតាមចិនថា ផាកឡូវ (សាច់ខ) ឬ បាក់យ៉ុង (សាច់លីងស្ងួត)១- ដាំទឹកមួយឆ្នាំងអោយពុះ។២- យកសាច់ជ្រូក សាច់សុទ្ធ (ពុំមានខ្លាញ់ ឬ ស្បែក) ទៅលាងទឹកអោយស្អាត កាត់ជាបន្ទះៗ ហើយដាក់ស្រុះនៅក្នុងទឹកពុះនោះ។៣- ស្រង់សាច់ជ្រូកចុះ លាងទឹកត្រជាក់ អោយស្អាត ហើយកាត់ចេញជាដុំតូចៗ ប៉ុនមេដៃ រួចយកទុកមួយអន្លើ។៤- ដាក់ស្ករស ឬ ស្ករត្នោត រំងាស់អោយឡើងក្រហម ចេញជើងអង្ក្រង ទើបចាក់ទឹកត្រី អំបិល ប៉ូចកាក់២-៣មើម និង ម្រេចបុកចូល កូរអោយសព្វ។
៥- ចាក់សាច់ជ្រូកឆ្អិននោះចូល កូរអោយសព្វចូលជាមួយគ្រឿងហើយ ទើបចាក់ទឹកចូល រំងាស់អោយផុយសាច់ ហើយអោយស្ងួតទឹកខ អស់ពីបាតឆ្នាំង។ បើសាច់នៅរឹង មិនទាន់ផុយ សូមថែមទឹករំងាស់ថែមទៀត។ សូមភ្លក្សថែមថយគ្រឿង តាមចំណូលចិត្ត។
៦- នៅពេលខផុយសាច់ហើយ សូមស្រង់សាច់ជ្រូកដែលនៅក្នុង ខស្ងួតហើយនោះ យកទៅបុកអោយម៉ដ្ឋខៃ។
៧- យកសាច់ជ្រូកខ ដែលបុកបានហើយ ទៅរំលីងម្តងទៀត នៅក្នុងខ្ទះ ក្នុងកំដៅក្តៅឧណ្ហៗ ប្រហែល 150-200F រហូតដល់ស្ងួតដាក់ទឹកអស់ ទើបដួសច្រកកែវ ចំហមាត់ អោយសាច់ជ្រូកបុក ចុះត្រជាក់សិន ទើបគ្របយកទុក។
៨- សាច់ជ្រូកបុក អាចធ្វើជាអាហារបរិភោគលេង ពេលអផ្សុក។ ជួនកាល គេអាចដាក់ជាស្នូលនំប៉ាំង សម្រាប់ខ្ចប់យកទៅកន្លែងធ្វើការ សម្រាប់បរិភោគពេលព្រឹក ឬ ថ្ងៃត្រង់ជាដើម។
ប្រភព: អ្នកស្រី កែវ ច័ន្ទបូរណ៍
ភ្លាក្ដាមសមុទ្រ- ក្ដាមសេះ រឺ ក្ដាមថ្ម ( តាមចំណូលចិត្ត )- ខ្ទឹមស ខ្ទឹមក្រហម ( ហាន់ជាបន្ទះស្ដើងៗ )- ខ្ទឹមបារាំង ( ហាន់ជាបន្ទះស្ដើងៗ )- ទឹកត្រី អំបិល ស្ករស ម្សៅស៊ុប ប៊ីចេង
- ម្ទេស ក្រូចឆ្មា ( ពីរមុខនេះត្រូវការច្រើន )
- ជីបន្លា ជីអង្គាម
វិធីធ្វើ
- ក្ដាមបកស្នូកចេញ លាងទឹកអោយស្អាត កាត់ជាដុំតូចៗល្មម រួចយកមកដាក់ក្នុងចានស្អាតមួយ ហើយដាក់ទឹកក្រូចឆ្មា ម្ទេស ខ្ទឹមស និង ម្សៅស៊ុបបន្តិច កូរអោយសព្វ ទុកប្រហែល 10 នាទីដើម្បីអោយវាឆ្អិនសាច់ និង កាត់ជាតិឆ្អាបរបស់ក្ដាមបានល្អ
- បន្ទាប់មកយកចានថ្មីមួយទៀត ដាក់ទឹកក្រូចឆ្មា ម្ទេស ខ្ទឹមស ( ដែលនៅសល់ ) ខ្ទឹមក្រហម ខ្ទឹមបារាំង ទឹកត្រី អំបិល ម្សៅស៊ុប ស្ករស និង ប៊ីចេងបន្ថែមរស់ជាតិបន្តិច ហើយកូរចូលគ្នាអោយសព្វ រួចភ្លក់មើលអោយល្មមតាមការចូលចិត្ត
- រួចយកមកចាក់ពីលើក្ដាម ( អាចក្រឡុកដូចយើងក្រឡុកព្រីងជាមួយអំបិល រិតតែល្អ ដើម្បីអោយវាចូលសព្វជាតិបានល្អ ) បើចូលជាតិអស់ហើយ បន្ថែម ជីបន្លា ជីអង្កាម ច្របល់ចូលគ្នាម្ដងទៀត រួចជាការស្រេច
🌟 មុខម្ហូបនេះត្រូវការប្រើម្ទេស និង ក្រូចឆ្មាអោយច្រើន ទើបកាត់ជាតិឆ្អាប និង អោយឆ្អិនសាច់ក្ដាមល្អ
ប្រភព : Housewife OnlineShop
របៀបធ្វើ ត្រីចៀនជូរអែម
#សម្រាប់គ្រឿងផ្សំទឹកត្រីផ្អែម- ទឹកត្រី ១ពែង
- ទឹកខ្មេះ ១ពែង
- ស្ករស ២ពែង
- ទឹក ២ពែង
- អំបិល ចុងស្លាបព្រាកាហ្វេ
- ខ្ទឹមសចិញ្ច្រាំ ៥ស្លាបព្រាបាយ
- ម្ទេសចិញ្ច្រាំ ២ស្លាបព្រាបាយ
- ខ្ទឹមក្រហមហាន់ស្តើងៗ មួយក្តាប់
- ម្សៅឆា ២ស្លាបព្រាកាហ្វេ
- ទឹក ៦ស្លាបព្រា
#របៀបធ្វើ
- យកត្រីកន្លះគីឡូ ទៅដាក់បំពង អោយឆ្អិនស្រួយស្បែក ទើបស្រង់ ដាក់ចាន។
- យកទឹកខ្មេះ១ពែង លាយ ខ្ទឹមសខ្ទឹមក្រហម និង ម្ទេស ទុកមួយអន្លើ។
- ដាំទឹក២ពែង អោយពុះ ថែមស្ករ និង ទឹកត្រី។
- យកទឹកខ្មេះលាយខ្ទឹមស ខ្ទឹមក្រហម និងម្ទេស ទៅចាក់ក្នុង ទឹកឆ្អិន នោះ កូរអោយសព្វ ភ្លក្សសាបប្រៃ ថែមថយ តាមចំណូលចិត្ត។
- យកទឹកលាយជាមួយម្សៅឆា កូរអោយសព្វ ទើបយកទៅចាក់ក្នុង ឆ្នាំងទឹកត្រីផ្អែម កូរអោយពុះសព្វ ទើបយកទៅចាក់លើត្រីចៀន។
- បើចង់ឆ្ងាញ់ ដាក់ម្ជូរក្រសាំង ជំនួសទឹកខ្មេះ។
ប្រភព » fb
— with Op.
#គ្រឿងផ្សំ- សាច់គោស្រស់ល្អ សាច់ផុយ ជាប់ខ្លាច់តិចៗ (សាច់ផ្អែម) ១០ គក- រំដេង ខ្ចីៗ ៣ខាំ
- ស្កសរ ៨ខាំ ឬ ស្កត្នោតគ្មានជាតិគីមី ១ គក
- អំបិលម៉ត់ ១ខាំ
- ម្សៅខ្នរ ឬ ប៊ីចេង ១ស្លាបព្រាបាយ
#របៀបធ្វើ
- ចៀសាច់ជាបន្ទះស្តើងល្មម (កុំស្តើងពេក)
- រំដេងចិតសំបកចេញ បុកអោយម៉ត់ ពូតយកតែទឹក
- លាយស្ករ អំបិល ម្សៅខ្នរ និងទឹករំដេង ច្របល់ចូលគ្នាអោយសព្វរួចដាក់សាច់គោចូល ច្របល់ចូលគ្នាអោយសព្វ ទុកចោលប្រហែល ៥នាទី ច្របល់ចូលគ្នាទៀត ធ្វើបែបនេះបីទៅបួនដង ដើម្បីអោយចូលជាតិបានល្អ
- យកសាច់ដែលបានប្រលាក់រួចទៅក្លាសេ (កុំអោយចូលទឹក) ១ យប់
- យកសាច់ហាលថ្ងៃ ប្រហែលជា ៣ទៅ៤ ម៉ោង យើងប្រែសាច់ម្តង ហាលកុំអោយស្ងូតពេក។ ពេលរៀបសាច់ហាលថ្ងៃត្រូវទាញសាច់ត្រង់
+++ បើបើកថ្ងៃល្អចាំហាល បើអត់ក្លាសេទុក
+++ សាច់ដែលហាលរួចទុកក្នុងទូទឹកកក ទើបមិនដុះផ្សិត
*** អ្នកចូលចិត្ត រសជាតិ ហិលអាចបន្ថែមម្ទេចហុយ ប្រឡាក់ជាមួយ កាន់តែពិសេស
